أحلى أياام حياتى يوم اعلان نتيجة الثانوية العامة لأن جبت المجموع اللى كنت عاوزاه بل اعلى من اللى كنت عاوزاه، وفرحتى كمان بفرحة الناس اللى حواليا وهى بتباركلى وبتهنينى، أيام كانت من حياتى يااااااااااااااااااااااااااااه انا دلوقتى على مشارف التخرج من كلية الاعلام جامعة القاهرة الكلية اللى كانت حلمى فى الثانوية، وانا ااه اتخرجت ولسه بدور على شغل، لم اندم قط لأنى دخلت تلك الكلية فيها حلم حياتى الذى لم اتعب لكى اوصل اليها ان اكون اعلامية كبيرة أقول كلمة الحق وادافع بقلمى عن الفقراء والمحتاجين، لم أكن اتخيل وانا صغيرة بأنى أكون اعلامية نتيجة لأنها لم تكن فى بالى وان مازلت فى عهد الطفولة لم أكن اعلم ماذا تعنى كلمة اعلام كنت احاكى جلسة الاعلامين فى التليفزيون كنت اتكلم مثلهم، كان يخيل لى ان هناك كاميرا ما تراقبنى فى حياتى اليومية وكأنى نجمة تتألق أمام جمهورها، أسمع تصفيق الجمهور وأرى ابتسامات عريضة تجتاح الوجوه، ودائما كنت احلم أنى اقابل المشاهير وما زلت أحلم بذلك حتى الان وبمناسبة نتيجة الثانوية العامة أقدم تلك القصيدة التى ألفتها:-
أيامنا الحلوة
لحناها فى غنوة
خليناها ذكرى
نفتكرها اليوم وبكرى
فات اللى فات
أجمل الذكريات
فرحة الثانوية بمجموع قرب ع الميه
شايلين فى قلوبنا طموح وأمال
وتنسيق مرجحنا ومال
وصبح لينا كلية
وفى اول يوم اتعرفنا
على صحبة حلوة اتشرفنا
عالم جامعة لبس جديد
قلب سعيد
زى فرحة يوم العيد
كبرنا وبقى لينا شخصية
وصوت عالى فى الكلية
انتخابات اتحاد
ماتقولش علينا عيال
رحلات ومسابقات ثقافية
كسبنا كتير وخسرنا قليل
كونا اجمل شلة
فى الحلوة والمرة اتقاسمنا
جه وقت الامتحانات
نلحق نذاكر اللى فات
للمنهج معنديش اى فكرة
وتوتر ليلة المراجعة
وسهر كل ليلة
السنة عدت فوريرة
مافى وقت نضيعه
نحفظ منهج نسمعه
ونتيجة تشرف تنجحنا
وتبقى ذكرى ترجعنا
لأجمل غنوة تسمعنا
أيامنا الحلوة ليها معنى
ليست هناك تعليقات:
إرسال تعليق