حى على الفلاح
يا بلادى حى على الفلاح
يا اهلى بينا الى طريق النجاح
قوموا اتوضوا
شق طريقك
مش وقته ترتاح
زمن الراحة عدى وفلً
اقطف ثمرة كل واتمنى
جهدك عرقك مش راح بلاش
لكل مواطن عامل فلاح
خلى تكالك ع الفتاح
الوقت رواح
الصبح حركة
وعزيمة وبركة
لا تسيب وطنك وتبقى سواح
وطنك عش دافى
بالعهد لازم توافى
حى على الفلاح
الله اكبر عبرنا واشارة سماح
الله اكبر وانتصرنا
لما عدينا القناة
ونصبنا خيم وافراح
وهللنا باسم الله
يلا يا أختى يلا أخويا
الجو براح
لا حاكم فاسد ولا سفاح
زمن الظلم عدى وولى
زمن الأمل جه واتولى
شامين عطر فواح
طالع من جناين بلادى
هاحضر البخور وانادى
حى على الفلاح
سيبنا من اللى عدى وراح
الحكاية مش ناقصة جراح
ببان الأمل تسيع لجمل
ومعانا ليه مفتاح
ندخل ونقول
حى على الفلاح
بقلم نهال عبد المجيد
جميلة جدا يا نينى ربنا يوفقك
ردحذف