اتنطط يا فنان!!!!!!!!!!!!!!!!!!!!!!
اتنطط يا فنان ارقص كمان وكمان زى ما المسلسلات التركى زهقتنا الكليبات هى كمان بتقوم بدورها وتكمل مسيرة المسلسلات التركى فى يوم الأجازة طبعا بتفرج على التليفزيون وبغير من محطة لمحطة ياااااااه كل دى قنوات بس كلها مافيهاش حاجة كويسة اتفرج على ايه ؟ وان بغير لاقيت كليب لفنان كبير ومشهور من اول الكليب نازل تنطيط والحركات والأداء واحد بغض النظر عن الأغنية وكلماتها مافيش حاجة مميزة "زهقت تعالى زهقت تعالى بطفش الناس بيك " يعنى ما ينفعش الأغنية من غير رقص وتنطيط ولا بنات الموديل ورقصهم الخليع ورا المغنى فين أيام زمان لما كان المغنى بيغنى باحترام على المسرح قدام جمهوره على رأى جدودنا أيام الطرب الأصيل ناهيك عن المغنيات اللى بهدوم النوم و من غيره دى حاجة تكسف وللأسف القنوات دى انتشرت فى التليفزيون وبقت الفضايح علنا اما فى القنوات الخاصة والحكومية الكـأبة بقت حاجة مميزة فيها والثرثرة الاعلامية مالهاش حدود احسن حاجة نقفل التليفزيون والباب اللى يجيلك منه الريح سده واستريح.
ليست هناك تعليقات:
إرسال تعليق