الطريق الى الانتخابات الرئاسية

•    بسم الله الرحمن الرحيم
• كيف  الحال ؟
• الحمد لله
• ها ناوى تنتخب مين ؟؟؟؟؟؟؟؟؟؟؟
• لا شكلى مش هنتخب حد
• ليه؟؟؟؟؟؟؟؟؟؟
• مافيش حد كويس أثق فيه
• طب وبعدين  هتفضل سلبى ؟؟؟؟؟؟؟؟؟؟؟؟؟؟؟؟
• دى مش سلبية ده حق ومشروع
• ازاى؟؟؟؟؟
• من حقى انى امتنع عن التصويت
• فايدة الامتناع ايه ؟؟؟؟؟؟؟؟؟
• مش عارف
• بعد حوار انتهى بكلمة مش عارف هل نحن وصلنا الى طريق مسدود  ولا غموض  مش عارفين الوحش من الحلو المشاركة ولا عدم المشاركة فى الانتخابات  السلبية ام الايجابية ناس كتيره ناوية تقاطع الانتخابات طب بعدين هو ده الحل مافيش رئيس نتفق عليه ولا نروح نشترى رئيس من السوق الدولية بالمواصفات القياسية العالمية مع مراعاة الشروط  اعتقد ان من المهم ان يكون هناك رئيس وفى أقرب وقت واللى مش لاقيى كبير يشترى بس أهم حاجة نتفق على رأى  أو حل وسط  طول الفترة الانتقالية معناه دمار لمصر لأنها فترة غير مستقرة بل بالعكس مضطربة وانقسامات مابين انصار لمرشحين يلتفون حوله وكأنهم يحاولون ان يرتكبوا خطأ فادحا يعيدنا الى الوراء  ويخلقون فرعون جديدا وانهم مستعدون فى ذلك لأن يفعلو اى شئ حتى ولو كان فى غير مصلحة مصر  وأخيرا مذبحة العباسية  من هم هؤلا ء البلطجية بالتاكيد هم من دبروا أحداث محمد محمود ومجلس الوزراء وموقعة الجمل و مذبحة بورسعيد التى راح ضحيتها شباب مصرى  والسؤال الأخر أين الجيش والشرطة من هذا ما هو سر التكاسل عن اداء الواجب لقد أثبت لنا الجيش عن عدم  خبرته فى ادارة البلاد الأمر الذى يحتم بسرعة اجراء الانتخابات والمشاركة فيها لأن هذا الوضع صعب للغاية قد يؤدى بمزيد من الضحايا .