جاية أكسر الخوف
أعبر الطريق
وأتزف بالدفوف
في يوم مشهود
يا ابن ادم انت تعرفني كويس
وعليه دايما ملهوف
اسمي في العالم معروف
افتح قاموس الشهداء
تلاقيه في أعلى الرفوف
دم الشهيد كتب اسمي
لاجل حسي يبقى موجود
أنا زى الهوى والميه
قيمتي يعرفها الشهيد
وكل غالى بيا شغوف
كرهت الذل وعيشته
إنسان عايش ذليل
حي وميت ومكفنينه
دا الموت أهون من دي العيشة
حمام السلام كتب بريشه
عشانك أرفرف وأسيب الخوف
دا شئ مرفوض
ذليل وخاضع
وعايش جوه الكهوف
جايه أحطم القيود
أفكرك بكل الوعود
ووعد الحر دين عليه
اهتف من قلبك
الحرية مش هتموت
أيوة أنا الحرية
أنا أسمى من الخلود
جاية اكسر الخوف
أعبر الطريق
وأتزف بالدفوف
ليست هناك تعليقات:
إرسال تعليق